Skip to main contentShah's Gastro, Cancer & Robotic Surgery Centre · અમદાવાદ અને ગાંધીનગર
અન્નનળીના cancer ની સારવાર, અમદાવાદ · Gota OPD, અમદાવાદ · Apollo Hospital, Bhat, ગાંધીનગર
“રોટલીનો કોળિયો છાતીમાં અટકે છે, પાણી સાથે માંડ ઊતરે છે” — આ ફરિયાદનો પહેલો જવાબ operation નથી, endoscopy છે. Shah’s Gastro, Cancer & Robotic Surgery Centre માં રસ્તો એક નક્કી ક્રમમાં ચાલે છે: biopsy સાથેની endoscopy કહે છે કે સાંકડાપણું cancer છે કે બીજું કંઈ; પછી staging scan બતાવે છે કે cancer કેટલું ફેલાયું છે; અને એ પછી જ સારવારની સીડીમાંથી પગથિયું પસંદ થાય છે — endoscope થી કાઢવું, chemotherapy અને radiation, operation, કે અમુક દર્દીમાં operation વગરની સારવાર.
જે gastro team endoscopy કરે છે, staging વાંચે છે અને tumour board માં બેસે છે, એ જ team જરૂર પડે ત્યારે operation પણ કરે છે. એટલે સીડીનું કયું પગથિયું તમારા માટે છે, એ નિર્ણય એવી વ્યક્તિ નથી લેતી જેની પાસે એક જ પગથિયું હોય.
Shah’s Gastro, Cancer & Robotic Surgery Centre. Surgical gastroenterology ની super-specialty training, એ જ specialty માં બે વાર qualification, અને GI તથા cancer surgery માં 18 વર્ષનો અનુભવ. Upper GI endoscopy, staging, tumour board, અન્નનળીનું દૂરબીનથી કે ખુલ્લું operation, અને લાંબા ગાળાનું follow-up — બધું એક જ practice માં.
Dr Harsh Shah
MS, MCh (Surgical Gastroenterology), DrNB (Surgical Gastroenterology)
Registered with Gujarat Medical Council, Reg. No. G-38738
Food Pipe Cancer Surgeon · Apollo Hospital, Bhat, Gandhinagar · Gota OPD, Ahmedabad
Google rating: Gota clinic પર 216 reviews માંથી 4.89, અને Apollo, Bhat પર 17 reviews માંથી 4.94.
હું રોજ OPD માં જોઉં છું — ઘણા પરિવાર પહેલા ગળાના ડૉક્ટર, પછી acidity ની દવા, પછી બીજા શહેરમાં scan, એમ મહિનાઓ ફરે છે અને પછી endoscopy સુધી પહોંચે છે. ત્યાં સુધીમાં વજન ઘટી ગયું હોય છે. આ પાનું એ ફેરા ટૂંકા કરવા માટે છે: કઈ તપાસ પહેલાં, કઈ પછી, અને દરેક તપાસ કયા સવાલનો જવાબ આપે છે.
શરૂઆત upper GI endoscopy અને એકથી વધુ biopsy થી થાય છે, કારણ કે cancer છે કે સામાન્ય સાંકડાપણું, એ ફક્ત tissue જ કહી શકે. Cancer નક્કી થાય પછી CT અને PET-CT ફેલાવો શોધે છે, endoscopic ultrasound ત્યારે જ ઉમેરાય જ્યારે એનાથી નિર્ણય બદલાય, અને છાતીના કોઈ પણ operation પહેલાં heart અને ફેફસાંની તપાસ થાય છે.
| ક્રમ | તપાસ | એ કયા સવાલનો જવાબ આપે છે |
|---|---|---|
| પહેલી | Upper GI endoscopy — એકથી વધુ biopsy, ફોટા, અને ગાંઠ ક્યાંથી ક્યાં સુધી છે એનું માપ; કિનારી જોવા ખાસ dye કે light | આ cancer છે? અને બરાબર ક્યાંથી શરૂ થઈને ક્યાં પૂરું થાય છે? |
| બીજી | છાતી, પેટ અને pelvis નો contrast CT | લીવર, ફેફસાં કે lymph nodes સુધી પહોંચ્યું છે? |
| ત્રીજી | PET-CT — જેમાં cancer પૂરું કાઢવાની સારવાર વિચારાતી હોય એ દરેક દર્દી માટે | છુપાયેલો ફેલાવો તો નથી, જેના કારણે મોટું operation નકામું થાય? |
| જ્યાં નિર્ણય બદલાય ત્યાં | Endoscopic ultrasound | શરૂઆતનું cancer અંદરના પડ સુધી જ છે કે ઊંડું ગયું છે? બાજુની node માં છે? |
| ઉપર અને વચ્ચેના ભાગનું squamous cancer | Bronchoscopy અને ગળાની ENT તપાસ | શ્વાસનળી સુધી પહોંચ્યું છે? ગળામાં બીજું cancer તો નથી? |
| હોજરી સાથેના જોડાણ પરનું cancer | Staging laparoscopy | પેટના પડદા પર એવાં નાનાં દાણા તો નથી જે scan માં ન દેખાય? |
| છાતીના કોઈ પણ operation પહેલાં | ECG, echocardiogram, ફેફસાંની કાર્યક્ષમતાની તપાસ, લોહીની તપાસ અને પોષણની તપાસ | જે સારવાર વિચારાઈ છે, એ શરીર સહન કરી શકશે? |
બે વાત પરિવારનો સમય અને પૈસા બચાવે છે. એક, બહાર endoscopy થઈ ગઈ હોય તો પણ surgeon પોતે ફરી endoscopy કરે એ ઘણી વાર કામનું છે, કારણ કે operation માં કિનારી નક્કી કરનાર surgeon એ ગાંઠની ઉપર-નીચેની હદ પોતાની આંખે જોઈ હોય. બે, લોહીના “tumour marker” અન્નનળીના cancer માં કોઈ નિર્ણય નથી કરતા; marker વધારે હોય કે normal, એનાથી cancer સાબિત પણ નથી થતું અને નકારાતું પણ નથી.
ગળે અટકવાનાં ઘણાં કારણ cancer નથી — વર્ષોના acidity થી આવેલું સાંકડાપણું, achalasia, દીવાલમાં સામાન્ય ગાંઠ, વગેરે — અને એમાંનાં કેટલાંક scan માં cancer જેવાં દેખાઈ શકે. Endoscopy નું ચિત્ર અને biopsy સાથે વાંચવાથી જ ફરક પડે છે; પછી દરેક સામાન્ય તકલીફનો પોતાનો, અલગ રસ્તો છે.
| દર્દીને શું લાગે છે | કઈ તરફ ઈશારો | શેનાથી નક્કી થાય |
|---|---|---|
| પહેલા રોટલી-ભાખરી અટકે, પછી પ્રવાહી પણ; સાથે વજન ઘટે | કોઈ અવરોધ — સાબિત ન થાય ત્યાં સુધી cancer ગણવું | એકથી વધુ biopsy સાથેની endoscopy |
| શરૂઆતથી જ ખોરાક અને પાણી બંને અટકે, ન પચેલો ખોરાક પાછો આવે | Achalasia જેવી સ્નાયુની તકલીફ | પહેલા endoscopy — જોડાણ પાસે છુપાયેલું cancer નથી એ જોવા — પછી manometry |
| વર્ષોથી acidity, અને હવે નવું ગળે અટકવું | Acidity થી સાંકડાપણું, Barrett’s ફેરફાર, કે Barrett’s માંથી ઊભું થયેલું cancer | તાત્કાલિક endoscopy, દરેક અનિયમિત ભાગની biopsy |
| સામાન્ય દેખાતા પડ નીચે લીસો ઉપસાવ | દીવાલની ગાંઠ — leiomyoma કે GIST | Endoscopic ultrasound; એનો રસ્તો જુદો છે |
| અવાજ બેસી જાય, કે ગળતી વખતે ઉધરસ | મોડું લક્ષણ — અવાજની નસ કે શ્વાસનળી સુધી અસર હોઈ શકે | Consultant surgeon પાસે એ જ દિવસે તપાસ |
પરિવાર માટે એક અગત્યની વાત: endoscopy વગર આપેલું “achalasia” નું નામ સલામત નથી. મોટી ઉંમરે થોડા જ સમયમાં ઝડપથી વજન ઘટ્યું હોય, તો endoscopy અને biopsy બીજું ન કહે ત્યાં સુધી એને જોડાણ પાસેનું cancer ગણવામાં આવે છે. Barrett’s માં અસામાન્ય કોષ દેખાય, તો એની સંભાળ cancer care માં જ થાય છે, કારણ કે એ આગળ વધી શકે છે.
અન્નનળી (food pipe) ના cancer ની સારવાર stage અને પ્રકાર પરથી થાય છે. તદ્દન શરૂઆતનું cancer endoscope થી નીકળે છે; થોડું ઊંડું શરૂઆતનું cancer સીધું operation માગે છે; આગળ વધેલા cancer માં operation પહેલાં chemotherapy કે chemoradiation આવે છે; કેટલાકમાં ફક્ત chemoradiation જ સારવાર બને છે; અને ફેલાયેલા cancer માં દવા અને ગળવાનો રસ્તો ખુલ્લો રાખવાના ઉપાય.
| પગથિયું | કોના માટે | એમાં શું થાય છે |
|---|---|---|
| Endoscope થી કાઢવું (EMR કે ESD) | ફક્ત અંદરના પડ સુધીનું, તદ્દન શરૂઆતનું cancer | Endoscope થી cancer ઊંચકીને કાઢી લેવાય; અન્નનળી બચે. Barrett’s માં બાકી રહેલું અસામાન્ય પડ બાળી શકાય |
| સીધું operation | થોડું ઊંડું ગયેલું શરૂઆતનું cancer, કે endoscope થી કાઢ્યા પછી report માં જોખમી લક્ષણ | Lymph nodes સાથે esophagectomy, પહેલાં કોઈ સારવાર વગર |
| Chemoradiation, પછી operation | આગળ વધેલું squamous cell cancer, ફિટ દર્દી | Chemotherapy સાથે radiation, ફરી તપાસ, અને થોડા અઠવાડિયા પછી esophagectomy |
| Operation પહેલાં અને પછી chemotherapy | આગળ વધેલું adenocarcinoma, હોજરી સાથેના જોડાણ પરનું પણ | Chemotherapy ના cycles, operation, પછી બાકીના cycles |
| ફક્ત chemoradiation | ગળાના ભાગનું squamous cancer, મહત્ત્વના અંગમાં ઘૂસેલું cancer, કે operation માટે ફિટ ન હોય / operation ન ઇચ્છતા દર્દી | Definitive chemoradiation, પછી નજીકની તપાસ; જરૂર પડે તો operation બાકી રાખેલું |
| ફેલાયેલા cancer માટે દવા, અને ગળવામાં રાહત | દૂરના અંગ સુધી પહોંચેલું cancer | Biomarker પ્રમાણે chemotherapy સાથે immunotherapy; ગળવા માટે stent કે radiotherapy; શરૂઆતથી palliative care અને પોષણ |
અન્નનળીના cancer ના ઘણા દર્દીઓ માટે esophagectomy વગરની સારવાર વધુ યોગ્ય છે: તદ્દન શરૂઆતનું cancer endoscope થી નીકળે, ગળાના ભાગનું squamous cancer chemoradiation થી સારવાર પામે, અને ફેલાયેલું cancer દવાથી. પહેલી જ મુલાકાતમાં આ સ્પષ્ટ કહેવું એ પૂરી સેવાનો ભાગ છે.
ઊલટી ભૂલ પણ થાય છે. Endoscope થી કાઢેલું cancer microscope નીચે ધાર્યા કરતાં ઊંડું નીકળે, નાની નળીઓમાં ગયું હોય, કોષ ખરાબ બંધારણના હોય, કે કાપેલી કિનારી સુધી cancer હોય — ત્યારે ફક્ત નજર રાખવી એ ઓછી સારવાર છે. એ દર્દી સીડીમાં ઉપર, operation તરફ જાય છે, અને એ નિર્ણય tumour board pathology report પરથી લે છે.
બીજો એક વર્ગ પોતાનો નિર્ણય લાવે છે. Chemoradiation પછી કેટલાક દર્દીમાં cancer દેખાતું જ નથી. છતાં operation કરવું, કે endoscopy અને scan થી નજીકથી નજર રાખીને cancer પાછું આવે તો જ operation કરવું — આ હજુ નવો સવાલ છે, નક્કી થયેલો ધોરણ નથી. એ ફક્ત tumour board માં ચર્ચાય છે, અને ત્યાં જ જ્યાં પછીથી operation કરવાની ક્ષમતા હોય.
Biopsy cancer નો પ્રકાર કહે છે, અને પ્રકાર operation પહેલાંની સારવાર નક્કી કરે છે. Squamous cell cancer માં સામાન્ય રીતે પહેલાં chemotherapy સાથે radiation; adenocarcinoma માં operation ની આગળ-પાછળ વહેંચાયેલો chemotherapy નો course. એક પ્રકારની સારવાર બીજા પ્રકારના દર્દીને આપવી એ ટાળી શકાય એવી ભૂલ છે.
Operation પહેલાંની સારવારનાં બે કામ છે: ગાંઠ નાની કરવી જેથી એ પૂરી નીકળી શકે, અને scan માં ન દેખાતા cancer ના કોષોની સારવાર કરવી. Adenocarcinoma માં chemotherapy નો course અનુકૂળ ન હોય, તો chemoradiation પણ સ્વીકાર્ય વિકલ્પ છે. Squamous cancer માં operation યોગ્ય ન હોય, તો chemoradiation જ આખી સારવાર બની શકે.
આ સારવાર ચાલતી હોય ત્યારે ગળવું સુધરતા પહેલાં થોડું બગડી શકે. ખાવાનું લગભગ બંધ થઈ જાય અને operation નક્કી હોય, તો ગાંઠમાં stent મૂકવા કરતાં નાના આંતરડામાં ખોરાકની નળી વધુ સારી ગણાય છે, કારણ કે stent પછીના operation ને અઘરું બનાવી શકે. જેમનું વજન ખાસ્સું ઘટ્યું હોય, જરૂર કરતાં ઘણું ઓછું ખવાતું હોય, કે લોહીમાં protein ઓછું હોય — એ દરેકને dietitian જુએ છે. નિયમ સીધો છે: પોષણના કારણે સારવાર ક્યારેય અટકવી ન જોઈએ.
Esophagectomy માં અન્નનળીનો cancer વાળો ભાગ lymph nodes સાથે કાઢી નાખવામાં આવે છે અને મોટા ભાગે હોજરીને નળી જેવી બનાવી ઉપર ખેંચીને નવો રસ્તો બનાવાય છે. Staging બતાવે કે cancer પૂરું નીકળી શકે એમ છે, અને heart-ફેફસાંની તપાસ બતાવે કે શરીર operation ઝીલી શકશે — ત્યારે જ એ સલાહ અપાય છે.
નવો સાંધો ક્યાં થાય એ ગાંઠ ક્યાં છે એના પર આધાર રાખે છે: નીચેના ભાગ કે જોડાણ પાસેના cancer માં છાતીમાં, અને ઉપરના cancer માં કે ઉપરની કિનારીની ચિંતા હોય ત્યારે ગળામાં. ગાંઠ અને પેશી મંજૂરી આપે ત્યાં દૂરબીન અને robot-assisted રીત વપરાય છે, કારણ કે ખુલ્લા operation કરતાં ફેફસાંની તકલીફ ઓછી થાય છે; મોટી ગાંઠ કે chemoradiation પછી કઠણ થયેલી પેશીમાં ખુલ્લું operation જરૂરી બની શકે. જરૂર લાગે ત્યારે operation વખતે જ નાના આંતરડામાં ખોરાકની નળી મૂકાય છે.
તૈયારી પણ સારવારનો ભાગ છે. બીડી-સિગારેટ અને દારૂ વહેલાં બંધ કરવાં, રોજ ચાલવું, spirometer થી શ્વાસની કસરત, લોહીની ઊણપ સુધારવી અને protein વધારવું — આ બધું ફેફસાંની એ તકલીફ ઘટાડે છે જે આ operation પછી સામાન્ય રીતે આવે છે. દાંતની તપાસથી ચેપનો છુપાયેલો સ્રોત દૂર થાય છે.
દૂરના અંગ સુધી પહોંચેલા cancer માં chemotherapy સાથે immunotherapy કે targeted દવા આપવામાં આવે છે, જે ગાંઠ પરના test — HER2, PD-L1 અને mismatch-repair status — પરથી પસંદ થાય છે. આ results પહેલું cycle શરૂ થાય એ પહેલાં આવી જવાં જોઈએ. ગળવાનો રસ્તો stent કે radiotherapy થી ખુલ્લો રખાય છે.
આ biomarker test કઈ દવા પહેલાં આપવી એ બદલે છે, એટલે એ સારવાર શરૂ થયા પછી નહીં, પહેલી મુલાકાતમાં જ મંગાવાય છે. કેટલીક નવી દવાઓની કિંમત અને ઉપલબ્ધતા ભારતમાં મર્યાદિત છે; આ વાત વહેલી, ખુલ્લી રીતે થાય છે, patient-access programmes સહિત. ફેલાયેલા cancer ના દરેક દર્દી માટે palliative care અને પોષણ નિદાનથી જ શરૂ થાય છે — છેલ્લે નહીં — કારણ કે આરામ, વજન અને ગળવાની ક્ષમતા જ સારવાર દરમિયાનનું જીવન નક્કી કરે છે.
દરેક પગથિયાનાં પોતાનાં જોખમ છે. Esophagectomy માં ગંભીર જોખમ છે, જીવનું જોખમ પણ, અને Dr Harsh Shah consent વખતે દરેક જોખમ તમારી ઉંમર, તંદુરસ્તી અને અગાઉની સારવાર પ્રમાણે આંકડા સાથે સમજાવે છે. ફેફસાં નબળાં હોય, બીજી બીમારી હોય, કે operation પહેલાં સારવાર થઈ હોય તો જોખમ વધે છે.
Esophagectomy પછી: સાંધામાંથી leak; છાતીમાં ચેપ અને ફેફસાંની બીજી તકલીફ; અનિયમિત ધબકારા; અવાજની નસ પર ખેંચાણથી અવાજ બેસી જવો, જે મોટા ભાગે પાછો આવે છે; છાતીમાં દૂધિયું lymph leak; નવી અન્નનળીમાં લોહી ઓછું પહોંચવું; bleeding, ઘામાં ચેપ અને clots. લાંબા ગાળે: સાંધો સાંકડો થાય તો endoscope થી ફુલાવવો પડે, acid કે પિત્ત ઉપર આવે, અને ભારે જમણ પછી બેચેની. Endoscope થી કાઢવાનાં અને chemoradiation નાં જોખમ જુદાં છે, જે દરેક સારવાર પહેલાં સમજાવાય છે.
Follow-up એ પગથિયા પર આધાર રાખે છે જેના પર સારવાર થઈ. Endoscope થી કાઢ્યા પછી વારંવારની endoscopy મુખ્ય છે; ફક્ત chemoradiation પછી endoscopy અને CT નજીક-નજીક થાય છે, જેથી cancer પાછું આવે તો પણ operation થઈ શકે; esophagectomy પછી મુલાકાત અને CT ઘણાં વર્ષ ચાલે છે, શરૂઆતનાં વર્ષોમાં વધારે.
Operation પછીની પહેલી follow-up મુલાકાતમાં pathology report રૂબરૂ સમજાવાય છે અને આગળનું પગલું નક્કી થાય છે: cancer બાકી ન હોય તો બીજી સારવાર નહીં, chemoradiation પછી cancer બાકી હોય તો આશરે એક વર્ષ immunotherapy, કે chemotherapy નો course પૂરો કરવો. આખી જિંદગી follow-up માં વજન, ગળવું, vitamin અને લોહતત્ત્વ, acidity ની સાવચેતી, અને થોડું-થોડું વારંવાર જમવાની ટેવ જોવાય છે.
Dr Harsh Shah ગુજરાતીમાં સમજાવે છે કે અન્નનળીનું cancer શું છે, એનાં લક્ષણ અને સારવાર.
Dr Harsh Shah એ કરેલા esophagectomy પછી એક દર્દી operation અને રિકવરીનો અનુભવ કહે છે; લેખિત સંમતિ સાથે રેકોર્ડ અને શેર કરેલું.
અન્નનળીના cancer ની સારવારનો ખર્ચ તમારે કયું પગથિયું જોઈએ એના પર આધાર રાખે છે — endoscope થી કાઢવું, chemoradiation નો course, esophagectomy, કે ફેલાયેલા cancer ની દવા — અને રૂમનો પ્રકાર તથા રોકાણના દિવસો પર. સારવાર શરૂ થાય એ પહેલાં લેખિત estimate આપીને સમજાવાય છે.
Apollo Hospital, Bhat મોટી insurance કંપનીઓ અને cashless schemes સાથે કામ કરે છે, અને pre-authorisation ઓફિસ સીધું સંભાળે છે; રોકાણ estimate કરતાં લાંબું થાય તો enhancement request discharge વખતે નહીં, એ જ વખતે મુકાય છે. Immunotherapy અને કેટલીક targeted દવાઓનો ખર્ચ અલગ છે, અને સલાહ અપાય ત્યારે access programmes ની વાત ખુલ્લી રીતે થાય છે.
સાથે લાવો: endoscopy ના બધા reports અને ફોટા, biopsy અને pathology reports, CT અને PET-CT ના images CD કે pen drive માં, અગાઉની સારવારની વિગત, દવાઓની યાદી, insurance card અને ઓળખપત્ર, અને સંપર્ક માટે પરિવારનો એક સભ્ય.
★★★★★
“Met with Dr. Harsh Shah for the consultation of one of my relative. Dr. Harsh Shah is an exceptional surgical oncologist in Ahmedabad. His expertise in treating complex GI cancers like liver, pancreas, and colon cancers is truly remarkable. He explains everything clearly and gives patients full confidence in their treatment. Highly recommended for anyone looking for a skilled and compassionate cancer specialist. — Nagesh Patidar, Google review, Gota clinic listing”
★★★★★
“Dr. Harsh Shah is an excellent doctor who handled our case with great diligence and care. He listens attentively and addresses every concern with utmost patience. He's very humble and answers all of your questions in detail which is very assuring. I would highly recommend Dr. Harsh Shah for consultation and treatment. — Srinath Vasudevan, Google review, Gota clinic listing”
★★★★★
“Excellent service, very polite, very well explained the treatment plan and follow up after surgery. I am truly grateful to him for the treatment. — Amar Singh, Google review, Gota clinic listing”
Dr Harsh Shah ના Google listing પરના સાચા reviews, જેમ લખાયા છે તેમ જ.
જરૂરી નથી. Acidity થી આવેલું સાંકડાપણું, achalasia કે દીવાલની સામાન્ય ગાંઠ પણ આવું કરી શકે. પણ પહેલા ઘન ખોરાક અટકે અને વજન ઘટે, તો endoscopy અને biopsy વગર મોડું ન કરવું.
વર્ષોની acidity સાથે નવું ગળે અટકવું શરૂ થયું હોય, તો તાત્કાલિક endoscopy કરાવવી. Barrett's ફેરફાર કે સાંકડાપણું એ જ તપાસમાં દેખાય છે.
મોટા ભાગે નહીં. પહેલા biopsy થી cancer નો પ્રકાર, CT અને PET-CT થી stage, અને heart-ફેફસાંની તપાસ થાય છે. પછી tumour board નક્કી કરે છે કે endoscope, chemotherapy-radiation કે operation માંથી પહેલું શું.
હા, ઘણા દર્દીમાં. શરૂઆતનું cancer endoscope થી, ગળાના ભાગનું squamous cancer chemoradiation થી, અને operation માટે ફિટ ન હોય એવા દર્દીમાં chemoradiation થી સારવાર થઈ શકે. ઉંમર કરતાં heart-ફેફસાંની તપાસ નિર્ણય કરે છે.
ના, એવું નથી. અન્નનળીના cancer માં tumour marker કશું નક્કી નથી કરતા. નિદાન biopsy થી અને stage scan થી નક્કી થાય છે.
Operation નક્કી હોય તો નાના આંતરડામાં ખોરાકની નળી મોટા ભાગે વધુ સારી છે, કારણ કે stent operation ને અઘરું બનાવે. જેમનું operation નથી થવાનું, એમના માટે stent કે radiotherapy ગળવાનો રસ્તો ખુલ્લો રાખવાનો સારો ઉપાય છે.
Shah’s Gastro, Cancer & Robotic Surgery Centre — Gota, Ahmedabad
Consultation, endoscopy નું આયોજન, scan જોવા, follow-up અને નિયમિત તપાસ.
Google: Dr Harsh Shah · 216 reviews માંથી 4.89
Gota clinic નો રસ્તો · +91-63555-64601
Apollo Hospital — Bhat, Gandhinagar
Apollo Hospital International Limited, Plot No. 1 A, GIDC Bhat Industrial Estate, Bhat, Gandhinagar.
Google: Dr Harsh Shah – Robotic GI Surgeon · 17 reviews માંથી 4.94
Apollo, Bhat નો રસ્તો · WhatsApp +91-63555-64601
અન્નનળીના cancer ની સારવાર માટે આખા ગુજરાતમાંથી — Gandhinagar, Mehsana, Banaskantha, Nadiad, Anand, Bhavnagar, Rajkot, Jamnagar અને Kutch — અને દક્ષિણ રાજસ્થાન તથા પશ્ચિમ મધ્યપ્રદેશમાંથી દર્દીઓ અમદાવાદ આવે છે.
Endoscopy કે biopsy નો report હાથમાં છે? Endoscopy નો report અને ફોટા, biopsy report અને CT કે PET-CT ના images મુલાકાત પહેલાં મોકલી શકો છો, જેથી consultation વખતે એ પહેલેથી વંચાયેલા હોય. સારવારનો નિર્ણય consultation માં, તપાસ પછી જ થાય છે. Call +91-63555-64601 · Reports અગાઉથી WhatsApp પર મોકલો
Swasth Parivar: twice a month, practical advice on recovery, diet and warning signs. No advertising. Stop any time.
Your number is used for these updates and for the clinic to reach you. It is never sold or passed on. To stop, reply STOP on WhatsApp.
